توصيل الموبينه الالكتروني والموبينه العاديه و الاسبراتير الالكتروني و الاسبراتير العادي

بسم الله الرحمن الرحيم

الاخوه الكرام تحيه طيبه و لكم مني تقدير و اليوم موعدنا معا شرح مميز جدا عن توصيل الموبينه و الاسبراتير سواء كان عادي او الاكتروني و انا كنت واقع في مشكله ده و دورت كتيرررر جدا علي النت لطريقه التوصيل و للاسف ملقتش و قام بعد الاخوه الكرام بالمساعده لغايه ما بفضل الله حليت المشكله و قررت رد للجميل و المساعده ان اعمل شرح وافي و كامل عن التوصيل مدعوم بالصور و هذا الموضوع حصري و من تنفيذا و ليس منقول من اي مكان او موقع اخر .... بسم الله نبدا

افضل موبينه موجوده في السوق و اسمها موبينه دايموند 2000 ياباني و سعره بتاريخ النهارده 200 جنيه و هيا بتشتغل علي الاسبراتير العادي و الالكتروني 

 

ده شرح تفصيل للموبينه من الاتجاهين 

 

الاسبراتير الالكتروني و هو للاسف مبيركبش غير على الموبينه الالكتروني و مبيركبش علي الموبينه الزيت القديمه ولكن من مميزاته بتريح دماغك من الابلتين و الكندونسر و ماشاء الله معمر اكتر من الاسبراتير العادي

ملحوظه هامه : اطراف الاسبراتير لو معكوسه في الموبينه مش هيحصل شي غير ان العربيه مش هتدور خالص لان في الاسبراتير الاستيراد ممكن اطراف التوصيل الوانها تبقي مختلفه و مش هتعرف تحددها غير لو فكيت وش الاسبراتير و شوفت الحروف الي على المشط  او تقوم بالتجربه و لايوجد ضرر باذا الله

الموبينه العاديه و هيا اشهر موبينه في الموديلات القديمه و بتشتغل فقط علي الاسبراتير العادي

اسبراتير عادي و بيشتغل بي ابلتين و كندونسر و مبيشتغلش غير علي موبينه عاديه زيت 

مقارنه بين الاسبراتير العادي و الالكتروني

1/مميزات الاسبراتير العادي

متوفر جديد و استيراد 

سهل الصيانه في تغير الابلتين و الكندونسر لرخصهم

سعره ارخص من الالكتروني 

2/ عيوب الاسبراتير العادي

بيستهلك ابلاتين و كندنسر كتير و عمر الابلتين صغير

الاسبراتير الالكتروني

1/ مميزات الاسبراتير الالكتروني

عمره الافتراضي كبير مقارنه بالاسبراتير العادي

ظبط افضل للشراره لان مفهوش ابلاتين ولا كندونسر 

2/ عيوب الاسبراتير الالكتروني

مفيش منه جديد و متوفر استيراد فقط

صعب الصيانه لان سعر المشط قريب من ثمن الاسبراتير بالكامل

مقارنه بين الموبينه العاديه و الدايمو الياباني الالكتروني

الموبينه العاديه بداخلها زيت و بتتاثر بدرجه الحراره و مع العمر بتضعف و بيقل الشراره الخارجه مما بيقلل من اداء التشغيل

الموبينه الدايموند مصنعه للاجواء الحاره و عباره عن كويل مصمط مما يحعلها اقوي مقاومه للعوامل الخارجيه عن الاخره العاديه مع قوه في الشراره

في حاله توفر بيك سلانسيه كهرباء بيتم توصيلها علي الموبينه الطرف الاحمر الكهرباء مع الطرف الي رايح للاسبراتير و الطرف الازرق او الاخضر مع الارضي او في جسم الماتور

اخيرا اتمني من الله ان اكون وفقت في الشرح و هذا الموضوع هو عمل شخصي و اكيد به اخطاء فارجوا من الجميع المعذره في اي اخطا و لو اصبت فهوا من الله و ان اخطاء فمني و من الشيطان

الموضوع مفتوح للنقاش لاضافه اي شي او تعديل الموضوع

تحياتي للجميع و لكم مني كل حب و تقدير

اخوكم / وليد ابو يوسف و عمر و نور