بسم الله الرحمن الرحيم
السلام عليكم اخواتي الكرام تحيه طيبه و بعد اليوم اول شرح ليا و ربنا يوفقنا الي الخير
هنتكلم انهارده عن اصلاح الاقصدامات و تصليح الكسور و اعاده رشه و احياءه نمن جديد مع العلم ان سعر الاقصدام حاليا الخلفى فقط بي 600 جنيه و استيراد بي 400 و ده طبعا صعب اوووووي و قررت باذا الله اجرب بنفسي و انا و نصيب بسم الله نبدا .....
اولا الخامات المستخدمه:
1/ معجون فيبر جلاس من عند بتاع الدوكو و انا جبت كيلو كابسي بالمثبت بتاعه بي 40 جنيه
2/ سنفره ناعمه و اخري خشنه للسنفره بعد المعجون عند بتاع الدوكو الفرخ بي 10 جنيه
3/ كف بلاستك لفرد المعجون علي الاقصدام من عند بتاع الدوكو الواحد بي 5 جنيه زي الي في الصوره بس بلاستك مش صلب
4/ انبوبه اسبرايه للرش اي لون تحب من عند الموان العلبه بي 13 جنيه
5/ لزق تب ابيض و ورق جرايد قديم علشان تغطي بيه باقي العربيه و انت بترش البكره بي 8 جنيه
بعد مشترنا كل حاجه جه وقت التنفيذ باذا الله
ملحوظه مهمه قبل البدا المعجون الفيبر بعد الفرد و تسيبه ينشف بيبقي ليه حروف حاده جدا و بتجرح الايد فاحظر كل الحظر
اشكال الكسور الي كانت عندي و شكل الاقصدام قبل الرش
اولا لو الكسور عندك كبيره يبقي هتحتاج قطع بلاستك تزود بيها علشان متخدش منك معجون كتير و ده هتجبها من اي جيركن بلاستك قديم و تقطع منه
لازم الاقصدام و البلاستك الي هتركب منه يكون ناشف تماما و معلهوش اتربه او زيوت او شحوم
هتقوم بتقطيع البلاستك قطع مناسبه للكسر الي عندك و هتقوم لازقه باي شكل علي مكان الكسر في الاقصدام باستخدام الامير و افضل ماركه للامير الامير المصري و تسيبه ينشف تمام
بعدها هتاخد قطعه صغيره الاول من معجون الفيبر علي الكف البلاستك و تحط عليه نقطه من المثبت الي جاي مع المعجون و تقوم بخلط المعجون جيد مع بعضه
و بعدها تقوم بسحب المعجون علي الاقدام و ابتدا من الحروف الملحومه بالامير علشان تمسك في بعضه كويس و تسيب المعجون ينشف و ده اول مرحله
و بعدها تقوم واخد كميه معجون تاني و تبتدا تفرد علي المعجون الي نشف في اول مرحله تباعا لغايه ما تملي الكسور بالكامل و تسيبه ينشف جيداااااااااا
بعد لما الامعجون ينشف خالص هتجيب زجاجه فيها مياه و ترش علي المعجون و تبتدا تسنفر بالسنفره الخشنه الاول لغايه لما الحروف الناشفه تصغر و بعدها تسنفر بالسنفره النعمه علشان كلها تبقي شكل واحد
بعد السنفره و اعاه الاقصدام مره اخري بحمد الله هنقوم بلزق و تغطيه جسم العربيه بالكامل علشان نبتدا نرش الاقصدام و لازم قبل الرش يكون الاقدام نشف تمام من المياه بتاعه السنفره و معلهوش اي اتربه علشان ميعملش عازل و الرش يمسك كويس
وده بفضل الله النتيجه النهائيه و عقبال عند الجميع و علي فكرا اقل حد قال سعر للتصليح الاقصدام و رشه قالي 200 جنيه و ده اقل سعر و كل الي خامات الي جبتها مكملتش 100 جنيه و شويه مجهود فقط لا غير
تحياتي لجميع الاخوه و اكيد منتظر تجربتكم انتم كمان و لا تنسني بالدعاء لي و لاسرتي و للجميع
اخوكم وليد